Претходно
Водич за мажи: Како да ги пронајдете совршените фармерки?
Фармерките се најважниот дел од сечиј гардеробер. Повеќето мажи носат фармерки неколку пати неделно, ако не и секој ден. Тексасот одговара со речиси сè од облеката која ја поседувате, па токму ова ги прави толку чест избор. Погледнете неколку совети кои ќе ви помогнат да ги пронајдете совршените фармерки.
1. Како да ги носите?
Еден од најчестите проблеми кои мажите ги имаат со фармерките е големината на задниот дел. Причината за ова е или грешната големина, или грешното носење. Фармерките треба удобно да ви стојат на половината и треба да можете да ставите 2 прста помеѓу струкот и нив. Немојте да ги носите фармерките над или под вашиот стомак, бидејќи не се дизајнирани за да се носат на тој начин.
2. Крој
Постојат неколку кроеви на фармерки, но обично сите мажи си имаат по еден кој им одговара најмногу. Кројот кој треба да го избегнуваат 99% од мажите е најтесниот, или познат како „ултра скини“. Повеќето мажи се одлучуваат за рамен крој, кој е потесен кај горниот дел од нозете, а поширок кај колената и листовите.
3. Скратување
Повеќето мажи ги носат своите фармерки премногу долги, па дното на ногавиците може да се уништи. Најдоброто решение е да ги скратите фармерките веднаш штом ќе ги купите. Ако не сакате да ги кроите, можете и да ги подвиткате бидејќи и ова изгледа исто толку добро.
4. Детали
Деталите на фармерките се многу важни. Најважниот детаљ на кој треба да обрнете внимание е патентот. Секогаш е подобро да избирате фармерки со патент отколку само со копчиња. И бојата на конецот е важен детаљ. Класичните жолти конци создаваат дефинирани линии, додека „невидливите“ сини конци ќе привлечат помалку внимание кон вашите нозе и колкови.
5. Струк
Почна да се појавува еден необичен тренд со фармерки со низок струк за мажи, но сепак тој изглед е подобро да им го оставите на дамите. Струкот до половина секогаш ви е најдобар избор со кој нема да погрешите.
6. Купување фармерки
Одвојте време да го пронајдете парот кој навистина добро ќе ви стои. Ако мислите дека не можете сами, продавачите се секогаш тука да ви помогнат.
Погледнете и како да ја зачувате бојата на фармерките.
