Претходно
Водич за лето: Изберете шешир според обликот на лицето
Шеширите се вечна модна инспирација, а и оваа сезона дизајнерите си поиграа со разните модели. Каубојски, федора, гламурозни или сламени – секој стил одговара на различно лице.
1. За срцевидно и т.н. дијамантско лице – шешири со мал обод
Девојките со срцевидно и дијамантско лице најдобро изгледаат во шешири со мал до среден обод. Сакате да го скриете челото за да изгледа пошироко, а шеширите со среден и мал обод се вистинскиот избор за тоа.
2. За долгнавесто лице – голем обод и ниска круна
Оние со долгнавесто лице треба да избегнуваат шешири со мал обод и висока круна бидејќи тие уште повеќе ќе им го издолжат. Потребен ви е шешир кој не е многу широк и со мала круна за да балансира со должината на вашето лице.
3. За округло лице – висока круна
Девојките со кружно лице сакаат да го издолжат. Затоа треба да бараат шешир со висока круна кој ќе ви ја даде потребната должина.
4. За оние со коцкесто лице – заоблен шешир
За да ги омекне строгите црти најдобриот шешир за овој тип лице е шеширот кој има заоблени линии. Полуцилиндар со краток обод, свтлив шешир или ѕвонеста форма – овие се добар избор за вас.
5. За овално лице – кој било вид шешир
На овој тип лице одговараат скоро сите видови шешири, само треба да се внимава на ободот – колку е поголем шеширот толку ободот треба да биде поширок.
6. За триаголно лице – широк и асиметричен обод
За овие девојки, шеширите со широк и асиметричен обод одлично ќе ја скријат испакнатоста на долната вилица.
