Претходно
Вљубете се во личноста што ќе ве научи како да се сакате
Вљубете се во личноста којашто нема само да ве сака, туку и ќе ве научи како да се сакате себеси. Преку нејзината добрина ќе научите да бидете подобри кон себе. Преку нејзината прошка ќе научите и самите да си простувате.
Сите велат дека треба да се сакате себеси пред да засакате некој друг. Но понекогаш потребно е да го следите примерот на другите. Љубовта кон себе не е едноставна, особено кога сме програмирани да ги гледаме нашите недостатоци. Се гледаме секој ден и се навикнуваме на тоа. Но бидејќи се знаеме толку добро, не знаеме како изгледаме низ очите на другите, низ очите на некој што нè нема видено.
И тие не ги гледаат работите за коишто сте несигурни. Не ви судат за грешката што сте ја направиле минатата недела. Гледаат колку сте привлечни. Гледаат колку сте убави кога се смеете. Ги забележуваат овие мали детали.
Не знаете како да се гледате без призмата на судењето, па не знаете како изгледате во очите на странците кои прв пат ве погледнуваат.
И потоа кога некој ќе ве запознае и кога ќе почнете врска, привлечноста се заменува со емоционална поврзаност. И како таа личност ве запознава, сфаќа дека не сте совршени. Ги забележува сите ваши навики и недостатоци. Можеби ги гледа дури и работите што не ги сакате, но не се фокусира на нив како вас. Она на коешто се фокусира е вашата совршеност.
Со текот на времето се вљубувате уште повеќе и таа личност ги согледува сите ваши страни. Се познавате многу добро, а личноста не бара непознати недостатоци. Она што го гледа овде е личноста која и покрај сè е совршена.
Не треба да ги гледате вашите недостатоци како нешто лошо. Токму тие недостатоци ве прават човек. Тие недостатоци ве поврзуваат со другите. А сечија најголема несигурност прави повеќе да им се допаѓате на другите. Бидејќи тоа се нештата што ве прават реални.
Ако сите бевме совршени немаше да има потреба да се поврзуваме едни со други, немаше да имаме потреба од никого. Потребни сме си еден на друг за да се научиме да се сакаме себеси.
Заљубете се во личноста која ќе ве научи да бидете подобри кон себе. Заљубете се во личноста која ќе ве научи подобро да се однесувате кон себе. Заљубете се во личноста која сака сè во врска со вас, дури и вие самите никогаш да не се чувствувате така кон себе. Заљубете се во личноста која ве прави подобри без да ве менува. Ова е личноста во која треба да се вљубите и оваа личност ќе ве научи да се сакате.
Немојте да се лажете дека мора прво да се сакате себеси за да сакате некој друг. Потребно е да се почитувате. Потребно е да се сакате барем малку. Потребно е да се грижите за себе. Ако ги немате овие основи, ќе им дозволите на другите да се однесуваат лошо со вас.
Но љубовта се учи различно од секого. Понекогаш е потребна само една личност, а ова знаење е она што го заслужувате и од вас и од себеси. Ова е врската што ќе ви го промени животот.
Прочитајте и како да најдете љубов што ќе трае.
