Претходно
Викенд рецепт: Неодоливи сицилијански каноли со портокал
Внесете медитерански вкус во вашата кујна
Потребни состојки:
- 250 грама бело пченично брашно
- 1 мала лажичка смелен цимет
- 2 супени лажици кокосово масло
- 1 супена лажица шеќер
- 1/2 кафена лажичка сол
- 120 милилитри суво вино
- 1 белка од јајце
- Маслиново масло
- 450 грама сирење рикото
- 225 грама маскарпоне
- 130 грама шеќер во прав
- 1 кафена лажичка екстракт од ванила
- Кандиран портокал
Начин на подготовка:
Ставете ги брашното, циметот, кокосовото масло, шеќерот и солта во блендер, па добро изматете. Додека работи блендерот, додајте го виното. Тестото е готово кога ќе се обликува во кугла. Извадете го, покријте го со пластична фолија и оставете го да отстои на собна температура саат-два.
Поделете го тестото на половина, па развлечете го на површина просеана со брашно. Со помош на чаша исечете што повеќе кругови, па замотајте ги околу метални калапи за каноли. Премачкајте со белките за да се зацврстат. Испржете ги канолите во маслиново масло, оставете ги да се оладат, па отстранете ги калапите.
За да го направите филот, измешајте ги сирењето, маскарпонето, шеќерот во прав и ванилата. Ставете го овој крем во кеса за полнење или декорации на торти и наполнете ги канолите. Декорирајте со кандираните портокали, а потоа посипете го шеќерот во прав.
