Претходно
Вие сте силни бидејќи во вас се крие вистински воин!
Сигурно има денови кога се чувствувате несигурно, се соочувате со предизвици, не сте расположени – оние денови кога треба да се изолирате од секого и од сè и да се посветите на себе. Има моменти во животот кога се чувствувате уморни и скептични за секоја одлука што ќе ја донесете и за секој чекор што го правите.
Таквите чувства не треба да се кријат или потиснуваат, туку треба да дозволите да излезат од вас. Во деновите кога најмногу сакате да се повлечете во себе, да се одморите и да се изолирате, важно е да сфатите дека срцето на вистинскиот воин чука во вас.
Насекаде околу нас има приказни и совети за продуктивност, сите очекуваат да бидеме супер продуктивни, но за некои луѓе продуктивноста се сведува на оние сосема нормални нешта од секојдневието како правење кафе, миење заби, одење на работа, извршување на секојдневните обврски.
Силата не се манифестира во физички големи нешта. Силата не е да земеш меч и да го замавнеш преку глава како подготовка за борба. Понекогаш тоа се манифестира во начинот на кој тврдоглаво продолжувате да се движите, дури и ако движењето е тивко и речиси незабележливо. Силата е кога семејството и пријателите ве разочаруваат, но вие не престанувате да ги сакате. Моќта ја покажувате во моментот кога сакате да експлодирате, но сепак останувате смирени.
Дали сте свесни колку сте силни? Можете ли да се гордеете со оваа моќ? Силата како вашата се манифестира во тивки битки, кога луѓето околу вас не се ни сомневаат дека се борите. Размислете за она што веќе сте го надминале и бидете горди на себе. Вашата битка може да ве распадне, но секогаш имате шанса да се вратите на височините што никогаш не сте мислеле дека можете да ги достигнете. Затоа, знајте дека срцето на воинот чука во вас – дури и ако воопшто не сте свесни за тоа!
Откако ги прочитавте нашите совети за справување со секојдневните предизвици, можеби ќе сакате да ги прочитате и овие цитати за храброста кои ќе ви вдахнат сила да се изборите со потешкотиите.
Извор: sensa.mondo.rs
