Претходно
Вежби за истегнување со детални насоки што ќе ви покажат на кои мускули делувате
Истегнувањето не е важно само за спортистите, тоа е многу важно и за луѓето кои седат поголемиот дел од денот. Овие едноставни вежби се составени од еден шпански фитнес тренер и нивната цел е да го одржи вашето тело во форма, но и да ви покаже кои мускули ги работите со секоја вежба. Не заборавајте да дишете нормално и да не чувствувате болка. Секоја позиција држете ја од 10 до 30 секунди.
1. Истегнување на предните мускули на вратот
Мускули кои се истегнуваат: Стерноклеидомастоиден мускул
Изведба: Ставете ги рацете на колковите, исправете го грбот и внимателно навалете ја главата наназад. Ако сакате истегнувањето да биде уште подлабоко, ставете ги дланките на челото и внимателно туркајте назад.
2. Истегнување на страничните мускули на вратот
Мускули кои се истегнуваат: Стерноклеидомастоиден мускул и горен трапезест мускул
Изведба: Седнете, исправете го грбот и со помош на левата рака навалете ја главата кон левата страна. Обидете се да го допрете рамото со вашето уво. Повторете ја вежбата на другата страна.
3. Детска поза
Мускули кои се истегнуваат: Најширок грбен мускул
Изведба: Застанете на сите 4 и бавно спуштајте ги колковите наназад. Обидете се да го допрете подот со вашето чело.
4. Камила
Мускули кои се истегнуваат: Стомачни и надворешни коси стомачни
Изведба: Седнете на вашите пети, ставете ги дланките зад грб и туркајте ги колковите нагоре и напред.
5. Истегнување на пекторални мускули
Мускули кои се истегнуваат: Пекторални мускули
Изведба: Застанете исправено со лицето кон ѕидот. Ставете ја дланката на ѕидот и бавно свртете се на спротивната страна. Повторете со другата рака.
6. Истегнување на карлицата
Мускули кои се истегнуваат: Адуктор и тетиви
Изведба: Седнете на подот и раширете ги нозете. Немојте да ги виткате колената, а нозете нека ви останат на подот. Наведнете се напред лизгајќи се со рацете, и исправете се на истиот начин.
Продолжува на следната страница…
