Убиствено добра комбинација: Торта од чоколадо и костени

Пирето од костени и кремот од чоколадо ќе создадат торта која ќе ви ја збогати трпезата, ќе ја јадете со сласт и ќе внесе дополнителна радост во ова преубаво годишно доба од годината

Потребни состојки:

• 6 јајца
• 80 г шеќер
• 2 лажици какао
• 60 г пченично брашно (тип 40)
• 5 лажици млеко

За кремот:

• 150 г пире од костени
• 300 мл слатка павлака
• 300 мл млеко
• 1 крем за колачи од чоколадо
• 100 г чоколадо

Начин на подготовка:

1. Жолчките и шеќерот заедно ставете ги во сад и со електричен миксер изматете ги додека не добиете кремаста смеса. Додајте го какаото помешано со брашно и добро измешајте. Белките изматете ги во цврст шлаг и нежно додавајте ги во смесата.
2. На дното на калап за торта со дијаметар 24 см ставете хартија за печење и добро премачкајте ја со путер. Сипете ја подготвената смеса, израмнете и печете 40 минути во рерна загреана на 180 степени.
3. Извадете го печениот пандишпан и оставете го да се излади, а потоа напрскајте го со млеко.
4. Пирето од костени разредете го со 100 мл слатка павлака. Во сад ставете го ладното млеко, додајте го остатокот од слатката павлака и содржината од кесичката за кремот. Матете со миксер на средна брзина околу 2-3 минути, додека не добиете крем. Во него додајте го стопеното чоколадо и разреденото пире од костени.
5. Веднаш нанесете врз оладениот бисквит-пандишпан и израмнете. Потоа тортата ставете ја во фрижидер да се лади, после што е спремна за послужување. Дополнително можете да ја украсите со шлаг или чоколадна глазура.

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм