Претходно
Трикови за автомобилот што ќе го направат секое возење попријатно
Без разлика дали се подготвувате за подолго семејно патување со автомобил или само сакате само да си го олесните вашето секојдневно патување, овие трикови можат да ви помогнат да го намалите стресот и да уживате повеќе во автомобилот.
Сè е поубаво кога се гледа подобро
Чистото ветробранско стакло е предуслов за поудобно и безбедно возење. Не станува збор само за истурање течност и рачно отстранување на поголемите дамки, туку и за употреба на соодветни бришачи.
Кога сте зад воланот, ништо не е поважно од добрата видливост. Но, повеќето возачи го одложуваат чистењето на бришачите или нивната замена ако е тоа потребно. Бришачите на ветробранското стакло се познати по тоа што се сушат и пукаат за кратко време. За да им го продолжите животот и да ги исчистите, натопете чиста бела крпа со омиленото средство за чистење стакла. Избришете со крпата нагоре и надолу по должината на бришачите.
Автомобилот нека ви биде секогаш чист
Одржувањето на хигиената на автомобилот може да биде тешко. Голема е веројатноста да има ѓубре на подот на автомобилот, под седиштето и во пукнатините на седиштето. Фрлете ги пакувањата, шишињата и други предмети во корпа за отпадоци. Поставете пластичен сад со кеса во автомобилот и користете го како корпа за отпадоци. За да го прицврстите, залепете самолеплива кука на која ќе ја обесите кесата, така што ѓубрето ќе ви биде на дофат на раката.
Користете ја технологијата
Технологијата навистина може да ви го олесни возењето и нема причина да не ја користите. Инвестирајте во добри држачи за навигациски уреди и за мобилни телефони бидејќи дефинитивно ќе ги користите, па затоа е подобро да го сторите тоа на безбеден начин.
Еден од советите е да се ставите камера, што е одлична инвестиција за да се имате видеа во случај на судир, несреќа или кражба.
Направете освежувач на воздухот за автомобили
Добриот мирис го подобрува расположението, а за да уживате во возењето, сами направете освежувач со вашиот омилен мирис. Освежете го вашиот автомобил со мирислив восок за свеќи. Направете дупки на капакот, додајте восок внатре и вратете го капакот.
Кога температурата во вашиот автомобил ќе се покачи, восокот ќе се стопи и ќе го исполни автомобилот со убав мирис.
Корисен совет за зимско возење
Кога има снег и мраз на патиштата и искачувањето по нагорнина или вртењето во свиоците е тешко, тоа е знак дека треба да користите поголема тежина. Додавањето вреќи со сол во багажникот на вашето возило со заден погон на тркала ќе додаде тежина на задниот дел од вашиот автомобил. Сепак, имајте предвид дека овој совет не се однесува на возилата со преден погон на тркала, иако малку сол во задниот дел на автомобилот ќе ви помогне во итни случаи кога има мраз.
Купете грејач за седиште
Само затоа што вашиот автомобил нема вградени грејачи на седиштата, не значи дека не можете да имате топло седиште. Купете подлога за греење на седиштето за да се стоплите.
Пополнете ги празните места за да не ви паѓаат работите
Губењето клучеви, мобилни телефони и други ситници во просторите помеѓу седиштата и во другите дупки може навистина да го фрустрира возачот. За да го надминете овој проблем, исечете парчиња од цевки од пена за изолација до должината на празнините, а потоа ставете ги во празнините од двете страни на држачот.
Стакло отпорно на мраз
Ако има предупредување за мраз во текот на ноќта, наполнете шише со прскалка со три дела оцет и еден дел вода. Пред да се стемни надвор, протресете ја смесата и рамномерно распоредете ја на прозорците на автомобилот. Киселината ќе спречи замрзнување на водата и на вашите прозорци во текот на ноќта, а стаклото ќе биде почисто.
Проверувајте го притисокот во гумите секој месец
Сите гуми губат воздух и затоа треба да ги проверувате еднаш месечно. Секогаш користете ист манометар за притисок во гумите и проверувајте го притисокот наутро, а не по возењето и следете ги упатствата на производителот на автомобилот. Препорачаниот притисок во гумите се базира на тежината на вашето возило, а не на марката на гумите.
Музика за расположение
Истражувањата покажуваат дека слушањето на омилената музика ги зголемува задоволството од возењето и концентрацијата. Единственото нешто што е важно е да се приспособи јачината на звукот за да можете да ги слушате звуците однадвор.
Прочитајте што треба да направите кога ќе забележите дека некој ве следи со автомобил.
