Претходно
Стилско досие: Лабина Митевска – уметност проткаена со елеганција
Датум: 26 окт 2013
Коментари: 0
Основач на продуцентската куќа „Sisters and brother Mitevski“ и директорка на фестивалот „Браќа Манаки“, Лабина е вистинска дама која ја обележува македонската кинематографија. Од страна на македонските списанија избрана е за жена на годината во 2003. Иако доста млада, Лабина досега остави зад себе доста импресивни улоги, меѓу кои во филмовите: „Пред дождот“, „Како убив светец“, „Дете на војната“, „Јас сум од Титов Велес“ и други.
Овој пат, покрај нејзината беспрекорна глума, влијанието кое го има и енергијата која ја пренесува на сцена, решивме да го анализираме нејзиниот моден стил.
Во него преовладува црната боја, најчесто во комбинација со изразени аксесоари и обувки кои разбиваат монотонија. Нејзините комбинации на еднобојни фустани со потпетици во жолта боја на пример, се секогаш добитни. Што се однесува до накитот, претпочита големи и впечатливи парчиња. Во зависност од настанот и пригодата, знае да изгледа како вистинска модна икона. Би ја окарактеризирале со авангарден стил, елегантност и ексцентричност. Што и да облече не се раководи по бледи модни трендови туку остава свој посебен белег.
Ни помалку ни повеќе, вистинска уметничка дама која располага со женственост и елеганција.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
