Претходно
Совршени зимски комбинации на облека
Датум: 05 дек 2012
Веќе сè мириса на зима, но не значи дека во зима нема добри забави. Ве фаќа депресија при самата помисла на шарените летни комбинации? Еве некои предлози кои совршено одговараат за различни видови забави во зимскиот период.
Кожни хеланки и широк џемпер
Кожни хеланки, широк џемпер и високи потпетици – станува збор за лесен и кежуал изглед. Аксесоари од типот впечатливи обетки и чанти со различни принтови, ја прават целата комбинација потренди. Не претерувајте со додатоците, одберете ограничен број (на пример, обетките се целиот накит кој ви е потребен со оваа комбинација), со цел да не го „пренатрупате“ вашиот изглед.
Зимски амбиент
Најлесен начин да се стоплите, а воедно и да се вклопите во амбиентот со ладното време е дополнување на изгледот со јакна, елек или марама. Од една страна, станува збор за толку едноставна комбинација, а од друга страна е толку женствена. Тесни фармерки, еднобојна кошула, елек со крзно, и секако високи потпетици. Изгледот „зачинете“ го со само едно парче впечатлив накит.
Контраст помеѓу кежуал и женствено
Започнете го изгледот со женствено здолниште и интересна, едноставна маичка. Со палтото ќе постигнете благ контраст помеѓу спотрското и женственото. Завршете го изгледот со потпетици до глуждовите и обетки. Никогаш не сте помислиле на оваа комбинација? Пробајте ја макар еднаш и видете како би ви стоела.
Додадете топли аксесоари
Во зима е лесно да претерате со додавање, па затоа држете се до едноставна основа, на пример фармерки и еднобојна блуза, и додадете интересни зимски аксесоари. Шарената марама или шал, можат да послужат како додатоци. Носете високи чизми со високи потпетици, а бидејќи лесно би можеле визуелно да си додадете некое кило, потрудете се фармерките да ви бидат тесни, а блузата да го оцртува вашиот струк. Не претерувајте со аксесоарите.
Фустан + хулахопки + кожна јакна
Кој рече дека вашиот омилен фустан не би можеле да го комбинирате во зима? Одберете хулахопки и кожна јакна, плус високи чизми до глуждовите или ниски чизмички. Финиширајте го изгледот со долго и женствено ланче. На овој начин ги балансирате работите, јакната и обувките со фустанот и ланчето.
Жешка комбинација во зима
Еве комбинација за малку посвечена пригода. Само затоа што е зима не значи дека треба да се откажете од кратките пантолони. Комбинирајте ги со подебели хулахопки. Одберете црно и едноставно палто кое наликува на оние од костумите и едноставна маичка. Вниманието привлечете го со впечатливи потпетици и црвени усни.
Кежуал
Овој изглед можеби не е прикладен за во ноќен клуб, но е совршен за дружење со колеги или неформална забава дома. Изгледате удобно, топло и опуштено, а не сте пренатрупани со облека. Сомотски панталони и едноставно слатко џемперче ќе ви помогнат да го постигнете посакуваниот ефект.
Фустан со долги ракави и високи чизми
Одлична зимска комбинација за забава! Комбинацијата е толку шик, женствена и едноставна. Ваквите модели на фустани се совршени за во зима, а можеби би било најдобро да одберете еднобоен во нијанса која полесно би ја комбинирале со вашите обувки или модни додатоци.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Fala sto mislite i na nas mazite :))