Претходно
Со овие прекрасни шалови ќе имате крилја како птиците
Датум: 28 авг 2014
Коментари: 0
„Shovava“ е уникатна колекција за жени која во превод значи женствено и разиграно и вклучува модели кои содржат неверојатно детални изработки на елементи од природата. Создадени од страна на артистката Роза Камитова, секое од овие прекрасни и елегантни парчиња се прекриени со нејзини рачни цртежи.
Камитова работела 8 години во модната индустрија и потоа сфатила дека на светот му се потребни малку покреативни дизајни на облека. Токму затоа таа решила да работи на реконструкција и промена на старите парчиња облека за да создаде нешто сосема ново и уникатно. Во 2011 година, таа ја лансирала својата прекрасна колекција која била инспирирана од природата.
„Јас ја набљудувам природата и наоѓам инспирација и во најмалите детали“, објаснува таа. „Можеби тоа ќе биде крило од пеперутка или интересната структура на лисјата. Можеби ќе биде пердув од гавран кој стои на гранка дрво. Јас го примам она што го гледам во природниот свет и потоа ги создавам моите дела.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
