Претходно
Сникерс чоколатца готови за 20 минути, без печење
Популарните чоколатца познати по богатиот вкус на чоколадо, карамела и пржени кикиритки, готови за само 20 минути во вашата кујна
Потребни состојки:
За првиот слој:
- 4 лажици пченкарен или агаве сируп
- 4 лажици стопен путер
- 2 полни лажици кремаст путер од кикиритки
- 1 лажица екстракт од ванила
- 2 ½ шолји шеќер во прав
- 400грама чоколадо
За вториот слој:
- 2 шолји карамела
- 4 лажици пржени кикирики
- 350 грама чоколадо со поголем процент на какао
Начин на подготовка:
- Во сад измешајте ги половина од сирупот, стопениот путер, путерот од кикирики и екстрактот од ванила, и со миксер мешајте на најслаба брзина, додека не се поврзат сите состојки.
- Додека миксирате полека додавајте го шеќерот додека не добиете еднаква густа, леплива маса. Ако смесата е претврда додајте уште малку стопен путер, а ако е преретка, шеќер.
- Смесата наместете ја во калап или сад за печење обликувајќи ја со рацете. Потоа сместете ја во фрижидер за длабоко додека да ја подготвите смесата за вториот слој.
- Во тенџере, на средно-висока температура, стопете ја карамелата и остатокот од сирупот, додајте ги кикириките, и кратко сето тоа заедно мешајте го, па потоа тргнете го тенџерето од оган.
- Извадете го калапот од фрижидер и врз првиот слој прелијте го вториот, па повторно вратете го назад.
- Кога смесата ќе се стврдне извадете го калапот на даска за сечење и со голем нож исечете на правоаголни парчиња.
- На тивок оган стопете ја чоколадата и во неа, едно по едно потопувајте го секое парче.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
