Претходно
Следете ги овие 7 принципи и животот ќе ви биде полн со изобилства
На сите ни се потребни пари за да имаме поквалитетен живот, иако често не знаеме да ги цениме и ги одбиваме со негативна енергија. Многу луѓе имаат контроверзен, па и негативен став кон парите, истовремено ги сакаат и ги сметаат за неопходни, додека од друга страна сметаат дека парите ги расипуваат луѓето.
Во основата на ова верување често се крие и причината зошто луѓето немаат онолку пари колку што им се потребни. Во продолжение 7 важни начела во врска со парите кои ќе ве доведат до живот со изобилства.
1. Принципот на желбата
Важно е да знаете зошто ви се потребни парите. Треба да одредите колку пари ви се потребни на месечно или на годишно ниво, и притоа пожелно е да замислите како би ви изгледал животот во изобилие.
2. Принципот на целта
Потребно е да ги одредите своите материјални цели кои можете да ги остварите благодарение на парите. Истовремено треба да бидете свесни и за своите подлабоки цели кои се однесуваат на вашето постоење и смислата на вашиот живот. Не смеете да дозволите вашите материјални цели да имаат приоритет, туку важно е вашите цели да ги бирате во согласност со потребите на својата душа, а не она на што го диктира вашето его.
3. Принципот на одлуката
Бидете одлучни во својата намера да го почувствувате животот со богатство, бидејќи тоа е најзначајниот чекор кој мора да го направи секој кој сака да го живее животот во материјална благосостојба.
4. Принципот на мислите
Еден од основните принципи е дека во животот го привлекувате она за што најмногу размислувате. Ако имате страв од сиромаштија, тоа значи дека кај вас доминираат мисли за тоа дека нема да имате пари, па тоа и навистина ќе ви се случи. Од друга страна, ако верувате дека ќе имате онолку колку што ви требаат за да ги задоволите своите потреби кои можат да се реализираат со пари, тогаш сигурно и ќе ги привлечете во животот.
6. Принципот на чувствата
Исто како што го привлекувате она за што размислувате, така го привлекувате и она што го чувствувате. Ако во вас доминираат позитивни емоции, добри вибрации и чувство на радост и среќа, нема сомнеж дека во својот живот ќе го привлечете она што ви е потребно.
6. Принципот на унапредување на сопствените способности
Иако е битно што мислите и чувствувате, нема многу да постигнете ако го изоставите последниот чекор – акцијата. Затоа е важно да вложувате во себе и во развојот на своите вештини, таленти и потенцијали, како и да бидете доволно креативни за да пронајдете нови начини за заработка.
7. Принципот на благодарност
Благодарноста е еден од универзалните принципи со кои го привлекуваме доброто во својот живот. Секогаш бидете благодарни за сè што имате, но и за она што го немате, бидејќи и тоа е во согласност со она што сте вие. Баш затоа, наместо да се жалите затоа што немате доволно пари, потсетете се да сепак ги имате во одредена мера и бидете благодарни за тоа. Гледајте како вашата финансиска ситуација ќе се промени од моментот кога наместо на она што го немате, ќе се фокусирате на она што го имате.
