Претходно
Што е „суши лице“ и 5 начини како да го избегнете
Ако некогаш сте уживале во омиленото јапонско јадење и сте се разбудиле следното утро со отечено лице, можеби ќе ви биде познато она што Џулиен Мур го нарекува „суши лице“. Актерката вели дека никогаш не јаде суши претходната вечер пред големи настани бидејќи знае дека нејзиното лице ќе биде отечено. Сигурно знаете дека одредена храна предизвикува подуеност на стомакот, но постои храна што предизвикува и подуеност на лицето.
1. Избегнувајте солена храна
Јадењето премногу сол предизвикува вашето тело да ја задржува водата, што резултира со подуеност и имате отечен изглед наутро. Иако може да има многу фактори што предизвикуваат подуеност, вклучувајќи лошо варење на храната, стрес и алергии, медицинските експерти препорачуваат да го намалите внесот на сол ако сакате да се разбудите подготвени за сликање.
2. Намалете го внесот на јаглехидрати
Ако се чувствувате како да сте се здебелиле откако сте изеле многу јаглехидрати, тоа не е точно. Не можете да се здебелите веднаш, но за секој грам јаглехидрати што ги јадете, вашето тело задржува 3-4 грама вода, што пак, предизвикува подуеност. Изберете леб од цело зрно и ориз наместо бел леб и тестенини. Оваа храна е богата со растителни влакна, кои помагаат во борбата против воспаленијата и подуеноста на лицето.
3. Бидете хидрирани
Пиењето доволно вода во текот на денот помага да се намали задржувањето на течности и подуеноста. Пиењето чаша вода по оброкот му помага на вашето тело да се ослободи од натриумот и го поттикнува да се ослободи од вишокот течности. Пиењето вода пред оброк не само што ќе ви помогне да ја спречите подуеноста на лицето, туку може да ве спречи и од прејадување.
4. Заменете го сладоледот со јогурт
И покрај тоа што многу млечни производи, како што се млекото и сирењето, може да предизвикаат подуеност, јогуртот всушност може да помогне. Чаша јогурт без шеќер содржи активни култури и пробиотици што ги намалуваат гасовите во вашето тело и може да помогнат при оток на лицето.
5. Измијте го лицето со ладна вода
Миењето на лицето со ладна вода наутро може брзо да ја намали подуеноста. Ладната вода ги стеснува крвните садови и помага да се намали отокот. Ладните облоги се едно од најлесните и најбрзите решенија за подочниците и подуеноста на лицето. Нежно држете чиста влажна крпа над очите неколку минути за да го отстраните отокот под очите.
Погледнете ги овие мали тајни за убава кожа.
