Претходно
Шишарка салата: Најубавото празнично предјадење што се прави за само 15 минути
Нека оваа година празничната трпеза биде поубава од кога било, а сега е вистинско време да почнете да размислувате за новогодишната трпеза. Погледнете го овој рецепт за многу вкусно и интересно предјадење.
Потребни состојки:
- 500 грама крем сирење
- 150 грама кисели краставички
- 200 грама варено пилешко (или шунка)
- 50 грама мајонез
- 1 чешне лук (по вкус)
- сол по вкус
- бадеми за украсување
Начин на подготовка:
Додајте го ситно исечканиот лук во крем сирењето, додајте мајонез и изматете ја смесата со миксер или добро измешајте.
Исечкајте ги краставичките ситно, а свареното пилешко или шунката исечете ги на помали коцки и додајте ги во претходната смеса. Додајте сол по вкус.
Измешајте сè добро, а потоа обликувајте ја смесата во форма на шишарка и ставете ја на чинија.
Наредете ги бадемите на обликуваната смеса, како на сликата. Украсете ја салатата со гранчиња рузмарин.
Погледнете како да направите топлo чоколадo со шлаг од кокос што ќе ви стане омилен пијалaк оваа зима.
