Претходно
Сексот после кавга дејствува како кокаин
Општо познато е дека сексот после голема кавга е многу добар. Сепак, докторите тврдат дека помирувањето на партнерите во кревет има ист ефект како и кокаинот. Клиничкиот психолог Сит Мејерс верува дека паровите кои најчесто се смируваат преку секс, се караат многу почесто.
„Ваквиот секс ја засилува кавгата и емоционалната драма. Размислите, ако после кавга имате неверојатен секс, зарем не е логично повторно да се скарате бидејќи наградата е феноменална.“ – вели тој.
Многумина сепак веруваат дека сексот е здрав начин да се исфрлат негативните емоции и партнерите повторно да се зближат. Докторот објаснува зошто тоа не е вистина.
„Паровите после кавга едвај чекаат да почнат со галење и нежности, бидејќи тоа е спротивно од гневот и нервозата при недоразбирањата. Искрено кажано тоа воопшто не се разликува од наркоманите на кои им треба нова црта кокаин.“ – вели Мејерс.
Повеќето сексолози не се сложуваат со овој став, затоа што тврдат дека сексот за помирување е најнормална појава и дека ја зголемува блискоста помеѓу партнерите. Мејерс од друга страна тврди дека вистинската интимност доаѓа преку разбирање и дека би било попаметно паровите да ги расчистат недоразбирањата пред да си ја соблечат облеката.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
