Претходно
Се топи во уста: Торта со чоколадо и банани
Не пропуштајте го нашиот денешен рецепт за торта со чоколадо и банана! Вкусна и сочна, оваа торта е идеална за секаков вид прослава, но, понекогаш и не морате да имате причина за да приготвите добра торта…
Потребни состојки:
- 525 грама згмечени зрели банани
- 400 грама кафеав шеќер
- 340 грама путер
- 335 грама бело брашно
- 250 милилитри матеница
- 100 грама ореви
- 4 јајца
- 4 супени лажици какао
- 2 лажички прашок за пециво
- ½ лажичка цимет
За фил:
- 500 милилитри шлаг крем
- 400 грама темно чоколадо
- 70 грама путер
- 1 лажица шеќер во прав
Начин на подготовка:
1. Растопете го путерот во тенџере и оставете да добие златно-кафеава боја. По 5 минути префрлете го во друг сад и ставете го во фрижидер да отстои околу 1 час.
2. Загрејте ја рерната на 180 степени целзиусови и премачкајте три калапи со пречник од 22 сантиметри.
3. Во еден сад измешајте ги сувите состојки како брашното, какаото, циметот и прашокот за пециво. Во друг сад измешајте ги бананите и матеницата.
4. Со миксер измешајте ги путерот и кафеавиот шеќер. Мешајте сè додека не добиете изедначена смеса. Постепено додавајте ги сувите состојки, а потоа бананите и матеницата. Мешајте за да добиете еднолична смеса. Додадете ги оревите.
5. Поделете ја смесата на 3 еднакви делови и префрлете ја во секој од 3-те калапи. Печете во загреана рерна околу 30 до 35 минути.
6. Во меѓувреме подгответе го филот. Растопете го путерот додека не добие златно-кафеава боја. Префрлете го во метален сад заедно со чоколадото и шеќерот во прав.
7. Загрејте го шлаг кремот и додадете ги чоколадото и шеќерот во прав. Добро измешајте.
8. Намачкајте ја една од корите со кремот и наизменично наредете ги и преостанатите кори. Можете да декорирате со чоколадо и овошје по желба. На здравје!
Откако го прочитавте нашиот рецепт за торта со чоколадо и банани, можеби ќе сакате да го прочитате и рецептот за најлесната торта за која ви се потребни само 3 состојки.
Извор: punkufer.dnevnik.hr
