Претходно
Сѐ е во пар: Еве како ќе се носи накитот во новата есенска сезона
Кога станува збор за модата, фантазијата е веќе истрошена и скоро сите можности се искористени, па затоа не ни преостанува останува ништо друго освен да рециклираме и да надградуваме, да додаваме нови елементи, материјали, бои и принтови за да го освежиме она што веќе постои. Сличен случај нè чека и оваа есен кога е накитот во прашање. Сѐ е во пар и навистина изгледа доста интересно и занимливо.
Откако Гаија Репоси ги претстави дијамантските алки во пар, од која една се наоѓа високо на увото, сите станаа опседнати со тој тренд. Некои дами дури направија друго дупче на соодветно место на увото за да може да ги носат. Други пак, сепак ги искористиле дуплите дупчиња на ресичката и трендот го изнеле на малку поразличен начин.
Приказната не се завршува со обетките. Истото правило важи и за идентични големи бразлетни кои ги красат двата рачни зглоба. Зошто да купите една кога двете ќе бидат многу повпечатливи? Моделите навистина мора да бидат забележливи и големи за трендот да биде исполнет.
Понатаму, приказната нè води до глуждовите. Се сеќавате дека некогаш се носеа бразлетни на нозете? Некако потполно заборавивме на оваа опција, пред сѐ затоа што не ни се допаѓаа многу. Сега овие бразлетни доаѓаат во пар. Сјајно се комбинираат со сандали и папучи и мораме да признаеме, изгледаат добро.
Дали ќе го испробате овој тренд? Впечатлив е, соодветен и доста пристапен, па зошто да не?
Бидејќи овој тренд бара добро осмислување и комбинирање, ви препорачуваме да погледнете како да комбинирате повеќе парчиња накит одендаш.
