Претходно
Рецепт за тирамису торта од палачинки
Тортите од палачинки се идеален десерт кога не сакате да ја вклучите рерната. Палачинките за торти може да бидат и малку подебели, а за да имаат вкус на тирамису, додајте инстант кафе во комбинација со крем маскарпоне.
Потребни состојки:
За палачинки:
- 3 јајца
- 300 грама брашно
- 600 милилитри млеко
- 50 грама путер
- 70 грама црно чоколадо
- 3 лажици шеќер
- 1 лажица инстант кафе
- малку сол
За крем:
- 5 жолчки
- 120 грама шеќер
- 500 грама сирење маскарпоне
- 250 милилитри слатка павлака
- 1 лажичка арома на ванила
Начин на подготовка:
1. Измешајте ги јајцата со шеќерот и додајте ги солта, кафето, брашното и млекото и измешајте повторно.
2. Стопете ги путерот и чоколадото и кога малку ќе се оладат, измешајте ја смесата.
3. Изматете ги жолчките со шеќерот и гответе ги на пареа околу 15 минути и мешајте ги постојано, па оставете ги да се оладат.
4. Ставете ги жолчките во сад и измешајте ги со маскарпонето и со аромата на ванила и мешајте кратко за да се соединат состојките.
5. Изматете ја слатката павлака додека да добиете шлаг и додајте го во сирењето со жолчките.
6. Испечете малку подебели палачинки. Ставете лажица до две од смесата на секоја палачинка и одозгора ставете друга додека не останете без состојки. Страните на тортата премачкајте ги со вишокот крем. Украсете со какао по желба.
Погледнете го овој рецепт за бела бајадера.
