Претходно
Рецепт за највкусната пита со вишни и пудинг од ванила
Денес ви споделуваме рецепт за кремаста пита со ванила и вишни, за која сме сигурни дека ќе му се допадне на целото семејство. Нејзиниот слатко-киселкаст вкус е вистинскиот погодок за летно уживање!
Потребни сoстојки:
- 500 грама кори за пита
За прв фил:
- 2 јајца
- 6 лажици шеќер
- 150 милилитри сончогледово масло
- 100-120 грама пченичен гриз
- 200 милилитри јогурт
- 1 кесичка прашок за пециво
За втор фил:
- 1 литар млеко
- 9 лажици шеќер
- 3 кесички пудинг со вкус на ванила (или една од 120 грама)
- вишни (300 – 400 грама)
- шеќер во прав, за посипување
Начин на подготовка:
1. Исчистете ги вишните, исцедете ја течноста што ја пуштаат и посипете со една лажица пченичен гриз. Сварете три пудинзи со вкус на ванила со млеко, според упатството на кесичката.
2. Оставете го пудингот малку да се излади (не целосно), мешајќи повремено. Одделете ги белките од жолчките. Изматете ги белките, додадете шеќер и матете уште неколку минути. Потоа, без да престанете со матењето, додадете ги жолчките една по една, постепено додавајте го маслото, па јогуртот и на крајот пченичниот гриз и прашокот за пециво. Добро измешајте ги сите состојки. Ова ќе биде филот за премачкување на кората.
3. Пребројте ги корите и поделете ги. На работната површина ставете ја првата кора, врз неа нанесете 2-3 лажици од подготвениот фил, убаво премачкајте ја со помош на кујнска четка, а истата постапка повторете ја и со преостанатите кори, ставајќи ги една врз друга.
4. На половина од последната кора нанесете четвртина од подготвениот пудинг, убаво премачкајте го, а потоа четвртина од црешите намачкајте ги рамномерно по пудингот врз кората, во една линија, со простор од околу 2 центиметри од работ на кората до вишните. Така вишните ќе бидат во средината на ролатот. Завиткајте го ролатот и ставете го во сад за печење намачкан со сончогледово масло. Постапката повторете ја со преостанатите ролати.
5. Покријте ги ролатите со остатокот од филот и печете ги во рерна загреана на 175 степени целзиусови додека не поруменат. Исечкајте ја на парчиња испечената и изладена пита и посипете ја со шеќер во прав. На здравје!
Откако го прочитавте нашиот денешен предлог за вашето денешно мени, можеби ќе сакате да го прочитате и рецептот за домашен сок од вишни.
Извор: sensa.mondo.rs
