Претходно
Рецепт за највкусната чоколадна торта кој морате да го пробате уште денес!
Ви го споделуваме рецептот за највкусната чоколадна торта за чија подготовка ви е потребен околу 1 час. Сигурни сме дека ќе му се допадне на целото семејство!
Потребни состојки за пандишпанот:
- 200 грама брашно
- 150 грама шеќер
- 150 грама путер
- 130 грама темно чоколадо
- 3 јајца
- 3 лажици млеко
- 1,5 лажица какао во прав
- 1 лажица подготвено инстант кафе
- 1лажичка прашок за пециво
- ¼ лажичка сода бикарбона
Состојки за филот:
- 170 грама шеќер во прав
- 80 грама путер на собна температура
- 2 лажици шлаг
- 1,5 лажици какао во прав
- 1 лажичка екстракт од ванила
- парчиња темно чоколадо за декорација
Начин на подготовка:
1. Загрејте ја рерната на 180 степени целзиусови. Подгответе два калапи за колачи со дијаметар од 20 сантиметри. Намачкајте ги со путер и/или покријте ги со хартија за печење.
2. Растопете го чоколадото со млекото наменето за пандишпанот. Ставете го на страна.
3. Со миксер изматете ги путерот и шеќерот. Додадете по едно јајце, инстант кафе и стопеното чоколадо. Мешајте додека не се соединат состојките.
4. Во посебен сад додадете ги брашното, какаото во прав, прашокот за пециво и сода бикарбона. Измешајте ги овие состојки во смесата базирана на јајца.
5. Поделете ја смесата на два еднакви дела и префрлете ја во подготвениот калап.
6. Ставете го пандишпанот во загреана рерна 20 до 25 минути. Користете чепкалка за заби за да проверите дали пандишпанот е целосно испечен. Оставете да се излади.
7. Додека пандишпанот се лади, подгответе го кремот за филот: со миксер изматете ги путерот, шлагот и екстрактот од ванила. Постепено додавајте какао во прав и шеќер. Мешајте десет минути додека не добиете еднолична цврста смеса.
8. Распоредете ја смесата помеѓу двете кори и по целата површина и декорирајте со парчиња темно чоколадо.
9. Оставете ја тортата во фрижидер пред сервирање. Добар апетит!
Откако го прочитавте нашиот рецепт за чоколадна торта, можеби ќе сакате да прочитате и рецептот за торта со чоколадо и малини без печење.
Извор: punkufer.dnevnik.hr
