Претходно
Рецепт за мек и сочен колач со јаболка и чоколадо
Уште едно вистинско есенско уживање! Денес ви споделуваме рецепт за колач кој може совршено да се вклопи во попладневните дружења со кафе. Благодарение на јаболкото, колачот е мек и сочен и може да се пече во секаков вид калап.
Потребни состојки:
- 250 грама бело брашно
- 1 кесичка прашок за пециво
- прстофат сол
- 1 јајце
- 100 грама шеќер
- 1 кесичка ванилин шеќер
- 200 милилитри јогурт
- 80 милилитри сончогледово масло
- 1 големо јаболко
- цимет (околу 1/3 лажичка)
- морско оревче
- ѓумбир во прав (по избор)
- кора од портокал
- 60 грама чоколада за готвење
За декорација:
- сок од лимон
- шеќер во прав
- брусница
Начин на подготовка:
1. Излупете ги јаболката, ситно изрендајте ги и оставете ја смесата на страна. Исечкајте го чоколадото на коцки. Во подлабок сад измешајте брашно, прашок за пециво, сол и зачини. Во друг сад изматете го јајцето со виљушка, додадете шеќер и ванилин шеќер.
2. Потоа додадете ги маслото и јогуртот и сè убаво измешајте. Постепено додавајте го брашното од првиот сад и измешајте ја смесата со виљушка/лажица. Додадете ги и јаболката и мешајте додека смесата не се соедини. На крај додадете го чоколадото и кората од портокал.
3. Печете го колачот во рерна загреана на 190 степени целзиусови. По потреба за време на печењето покријте го куглофот со алуминиумска фолија, за да не изгори. По 10 минути печење, можете да ја намалите температурата на 180 степени целзиусови. Испечениот куглоф внимателно извадете го на чинија од калапот и оставете да се излади. Можете да го покриете со крпа за да не се исуши.
4. За глазурата измешајте сок од лимон и шеќер во прав во саканиот сооднос. Декорирајте со брусница.
Откако го прочитавте нашиот денешен предлог можеби ќе сакате да го прочитате и рецептот за чоколаден леб од банани со јаболка и ореви.
Извор: sensa.mondo.rs
