Претходно
Рецепт за италијански десерт што се претвора во пијалак
Гранита е италијански десерт подготвен од вода, шеќер и разни овошни вкусови кои се замрзнуваат во замрзнувач пред да се послужат.
Потребни состојки:
- 1 диња од околу 800 гр
- 2 лажици свежи листови од нане
- 150 мл вода
- 200 грама шеќер
- сок од 1 лимон
Начин на подготовка:
1. Измешајте ги водата и шеќерот и оставете да зоврие. Оставете ја течноста да се излади.
2. Излупете ја дињата, исчистете ги семките и исечкајте ја на мали коцки. Ставете ја во бледнер заедно со листовите нане и сокот од лимон и направете пире.
3. Измешајте ја дињата со разладениот шеќерен сируп. Префрлете ја смесата во плех за печење со големина 20 х 20 цм и ставете ја да стои во замрзнувач два часа.
4. По два часа, извадете ја изладената гранита од замрзнувачот и измешајте ја содржината.
5. Повторувајте ја постапката на секој половина час, вкупно четири пати, за да формирате ледени кристали.
6. Потоа, гранитата е подготвена за сервирање.
Погледнете како да го подготвите овој летен нискокалоричен коктел од малини што ќе стане вашиот нов омилен пијалак.
