Претходно
Рецепт за француска веганска салата: Одличен додаток на велигденската трпеза!
Доколку сте веган или само сакате да ја регулирате вашата исхрана време е да го научите рецептот за француска салата без состојки од животинско потекло.
Веројатно малкумина од вас знаат дека француската салата, всушност, потекнува од Русија и првично била наречена салата Оливие. Името го добила по истоимениот готвач кој го чувал рецептот во најголема тајност. Неговата салата, покрај другото, се состоела и од кавијар, телешко месо, чадена патка, опашки од ракчиња и сос на база на мајонез со непознати додатоци со што станала врвен хит во 19-ти век.
Модерната верзија на салатата е всушност рецептот на Иван Иванов, еден од готвачите на Оливие, кој се обидел да го украде рецептот. Во продолжение прочитајте го рецептот за француската веганска салата.
Потребни состојки:
- 200 грама грашок
- 200 грама моркови
- 200 грама компир
- 2 кисели краставички
- половина кисело јаболко
- 300-500 милилитри вегански мајонез
- сол и бибер
- сок од лимон
- 1 лажичка сенф
- магдонос
Начин на подготовка:
1. Исечкајте го зеленчукот на коцки и сварете го во солена вода, но внимавајте да не се превари.
2. Исечкајте ги краставиците и јаболкото на коцки.
3. Измешајте ги останатите состојки со изладениот зеленчук, а смесата украсете ја со листови магдонос и парчиња лимон. На здравје!
Откако го прочитавте нашиот рецепт за француска/руска веганска салата, можеби ќе сакате да прочитате и рецептот за протеинска салата со никулци од наут.
Извор: ljepotaizdravlje.hr
