Претходно
Рецепт за домашен сладолед без јајца и шеќер
Во продолжение прочитајте го рецептот за брзиот рецепт за домашен сладолед. Сигурни сме дека нема да ве остави рамнодушни!
Основата на овој рецепт е кокосовото млеко во кое може да додадете чоколадо или кафе.
Потребни состојки:
- 385 милилитри полномасно кокосово млеко
- 135 – 150 грама еритрол (по вкус, како замена за шеќер)
- ¼ лажичка ксантанска гума (згуснувач, се добива преку ферментација на пченкарен шеќер)
- ¼ лажичка сол
- 480 грама шлаг
- 4 лажички екстракт од ванила
- 1 лажица вотка
Начин на подготовка:
1. Измешајте ги кокосовото млеко, засладувачот и солта во тенџере на средна температура. Мешајте додека смесата не се изедначи, а потоа префрлете ја во блендер. Постепено додавајте ксантанска гума и мешајте додека смесата не се соедини целосно. Оставете ја да се излади. Треба да добие густа текстура како желе.
2. Во голем сад додадете шлаг и мешајте со миксер додека не добиете мека текстура. Додадете го екстрактот од ванила и алкохолот (по ваш избор). Смесата треба да биде густа, но и малку течна. Ако е премногу густа, разредете ја со кокосово млеко.
3. Оставете ја смесата во фрижидер (околу 4-6 часа). Доколку сакате да додадете и какао, кафе или мача, најдобро е да ги додадете во кокосовото млеко уште за време на приготвувањето. На здравје!
Откако го прочитавте нашиот рецепт за домашен сладолед, можеби ќе сакате да прочитате и рецепт за сладолед со кафе.
Извор: punkufer.dnevnik.hr
