Претходно
Рецепт: Како да направите алиоли од авокадо?
Овој неверојатен рецепт за алиоли е без масло, а потребни ви се 5 минути, неколку состојки и блендер. Овој сос е одлична комбинација со печен компир и зеленчук!
Потребни состојки:
- 2 зрели авокада
- 75-90 милилитри аквафаба (течноста од конзерва наут)
- 3-4 чешниња лук, излупен и мелен
- 30 милилитри сок од лимон или лајм
- 1/2 лажичка сол
- малку црн бибер
- 3 лажички рузмарин или босилек (по избор)
Начин на подготовка:
- Ставете го авокадото во блендер. Додадете ја аквафаба, лукот, сокот од лимон, солта, црниот бибер и зачинот кој го одбравте.
- Блендирајте додека не се комбинираат. Потоа, вкусете ја смесата и прилагодете го вкусот по потреба, додавајќи повеќе лимон за киселост, сол по вкус или повеќе зачини.
- Чувајте го во фрижидер, но не повеќе од 24-48 часа. Комбинирајте со печен компир, зеленчук или по избор.
Погледнете како да направите вегетаријански бургери од киноа и спанаќ.
