Претходно
Пуканките можат да бидат здрави доколку знаете како да ги консумирате!
Дали знаевте дека пуканките можат да бидат добри за вашето здравје? Секако, доколку внимавате на три работи: масти, калории и содржина на сол.
Според експертите, пуканките купени во продавница имаат повеќе калории од домашните пуканки бидејќи содржат повеќе масти.
Овие масти се заситени и треба да се консумираат минимално бидејќи го зголемуваат ризикот од срцеви заболувања. Исто така, исхраната богата со сол е поврзана со срцеви заболувања, поради што треба да ја намалите количината на натриум во вашата исхрана.
Затоа, нутриционистите предлагаат самите да направите пуканки, користејќи сончогледово масло и додавајќи минимална количина сол. Ако не сакате обични пуканки, можете да додадете чили во прав или бибер.
Еве како здравите пуканки можат да ни влијаат:
Подобрување на работата на дебелото црево
Пуканките содржат влакна кои се од суштинско значење за здравјето на дигестивниот систем, при што помагаат во редовното празнење на дебелото црево, како и во спречување на запек.
Подобро кардиоваскуларно здравје
Влакната влијаат и на здравјето на кардиоваскуларниот систем. Имено, тие помагаат да се намали лошиот холестерол кој го зголемува крвниот притисок и воспалението.
Ќе имате повеќе енергија
Пуканките се закуска богата со јагленихидрати која може да обезбеди брз и лесно сварлив извор на енергија. Тоа може да биде особено корисно за спортистите или оние кои се занимаваат со физичка активност. Имајте на ум дека не треба да се претерува со пуканките бидејќи претераното консумирање може да доведе до надуеност, гасови и запек.
Откако прочитавте за здравствените придобивки на пуканките, можеби ќе сакате да ги прочитате и овие три супер брзи и едноставни рецепти со пуканки.
Извор: citymagazine.danas.rs
