Претходно
Пудрата во прав ги истакнува брчките: Погледнете како да ја избегнете оваа грешка
Датум: 16 дек 2015
Коментари: 0
Со текот на годините, начинот на шминкање треба да се менува. Наместо да користите јака шминка, таа треба да биде понежна и поблага. Најчестата грешка која ја правите, со цел да ги сокриете брчките, е претераното користење на пудра во прав или камена пудра.
Жените често мислат дека со поголема количина пудра во прав или камена пудра ќе ги прикријат недостатоците и тоа навистина изгледа така во моментот кога ќе завршите со шминкањето. Меѓутоа, еден дел од шминката се впива, а другиот се топи, па пудрата во прав се вовлекува во брчките и вдлабнатините. Така, дури и оние ситни и невидливи брчки, ќе станат видливи, како исцртани на лицето, и наместо да ги сокриете, вие всушност ги истакнувате, а лицето ви изгледа постаро и без свежина.
Шминкерите советуваат дека за да се прикријат брчките најдобро е да се користи кремаста течна пудра, а пудрата во прав или камената пудра да се користи во минимални количини и никако да не се нанесува на делот под очите.
Доколку вашата кожа е масна, треба да користите течна пудра со мат ефект, а пудрата во прав да ја нанесете за да го прекриете сјајот кој се појавува на носот и брадата, но во многу тенок слој. Исто така, поправањето на шминката на овој начин не се препорачува повеќе од два пати во текот на денот.
