Претходно
Протеинска бомба: Рецепт за брз и вкусен појадок
Немате време да подготвите појадок? Не грижете се. Во продолжение прочитајте го нашиот рецепт за брз појадок полн со протеини кој е готов за помалку од 10 минути.
Испржете ги јајцата, помешајте ги со малку варен грав, сирење и зеленчук па со оваа смеса завиткајте ги тортиљите. Доколку немате време да појадувате дома, можете да ги завиткате тортиљите во фолија и да ги однесете на работа.
Потребни состојки за едно лице:
- 1 голема тортиља
- 2 јајца
- 75 грама конзервиран грав
- 50 грама рендано сирење по желба
- 2 лажици кечап
- сол и бибер
Начин на подготовка:
1. Загрејте ја тортиљата во тава.
2. Испржете ги јајцата како кајгана и префрлете ги на тортиљата.
3. Конзервираниот грав измешајте го со кечап и додадете го во јајцата. Врз оваа смеса додадете и рендано сирење.
4. По желба можете да додадете и рендана зелка, шери домати, пиперки, кромид, маслинки, авокадо или друг зеленчук.
5. Завиткајте ги сите состојки во тортиљата. На здравје!
Откако го прочитавте нашиот предлог за брз и вкусен појадок, можеби ќе сакате да прочитате и рцептот за вегански тортилја сендвич.
Извор: punkufer.dnevnik.hr
