Претходно
Престанете да ги правите овие работи доколку луѓето ве искористуваат!
Како да бидете љубезни и добри кон другите, а истовремено да ги почитувате сопствените граници? Како да не им дозволите на другите да ве искористуваат? Прочитајте ги овие совети!
1. Ласкање и комплименти
Навистина е лесно луѓето да ви влезат под кожа. Сè што треба да направат е да ви дадат неколку ласкави комплименти, а ако тоа постојано се случува, тоа е затоа што постојано барате потврда од другите. Кога ќе ја добиете, пак, се чувствувате како да им должите нешто за возврат. Луѓето кои даваат комплименти понекогаш го прават тоа затоа што се обидуваат да манипулираат со другите за да можат да ги искористат. Затоа, за да избегнете вакво однесување во иднина, неопходно е да се фокусирате на вашата самодоверба.
2. Лесно им верувате на луѓето
Верувајте им на луѓето со резерва – имајте на ум дека тие не се секогаш искрени, но дајте им шанса да докажат дека не сте во право.
3. Не се залагате за себе
Ако не се залагате за себе, како другите ќе знаат кои се вашите граници? Кога сте многу срамежливи, може да биде тешко да им дадете до знаење на луѓето кога е доволно. Можеби се плашите да зборувате, да го изразите своето несогласување или да наидете на немир. Затоа, обидете се да дејствувате со поголема самопочит, наместо да му се препуштите на стравот од туѓата перцепција за вас.
4. Сожалување
Ова е вид на однесување што може да има исклучително негативно влијание врз вашиот живот, иако се чини како многу позитивна работа. Но – дали сожалувањето е исто што и емпатија или поддршка? Апсолутно не! Сожалувањето на другите не значи дека треба да избирате меѓу себе и другите. Доколку луѓето продолжуваат да ве искористуваат, време е да го преиспитате вашето однесување и да разберете зошто е тоа така.
Откако прочитавте кои работи треба да престанете да ги правите доколку другите ве искористуваат, можеби ќе сакате да прочитате и кои знаци ќе ви укажат дека имате токсични пријатели.
Извор: atma.hr
