Претходно
Потребни ви се само 3 состојки: Рецепт за енергетски барови со кокос
Енергетските барови направени од квалитетни состојки се многу популарен избор за појадок или закуска после вежбање. Можете да купите стотици различни протеински барови со секакви додатоци, но можете и да си направите дома со само неколку состојки.
Љубителите на кокос ќе уживаат во овој рецепт од кокосови струготини, кокосово масло и мед. Ова е рецепт за кој не ви е потребна рерна, а најтешкиот чекор е чекањето на енергетските барови да се оладат.
Потребни состојки:
- 300 г кокосови струготини
- 200 милилитри растопено кокосово масло
- 85 г мед по желба
Начин на подготовка:
- Во голем сад измешајте ги кокосовите струготини со растопеното кокосово масло и медот. Треба да добиете леплива смеса.
- Ако смесата е премногу сува, додадете повеќе растопено кокосово масло или вода.
- Наместо мед можете да користите јаворов или агаве сируп.
- Смесата ставете ја во плиток калап обложен со хартија за печење. Добро притиснете ја смесата во калапот и оставете во фрижидер за неколку часа.
- Оладената смеса исечете ја на парчиња по желба.
- Овие енергетски барови можете да ги чувате на собна температура околу една недела. Ако ги чувате во фрижидер или замрзнувач, ќе траат неколку недели или месеци.
Пробајте го и овој рецепт за млечен крем од гриз и павлака.
