Претходно
Поминувате долго време пред компјутер? Време е да започнете да ги практикувате овие вежби за грб
Ако цел ден седите на стол и гледате во мониторот, а вашата единствена вежба е „возење“ со столчето за да земете кафе или чај од работната маса, после работа нема да можете да ги држите рамената исправено, а да не ве болат. За да го избегнете тоа, ние ви препорачуваме неколку вежби. Може да ги правите секаде, а резултатите ќе бидат подеднакво ефикасни. Започнете да ги правите овие вежби веднаш, а вашиот грб ќе ви биде благодарен.
1. Стегање на рамената
Ова е вежба за горниот дел од грбот. Седнете исправено, нозете нека ви бидат на подот. Рацете нека ви висат слободно по должината на телото. Подигнете ги рамената кон ушите. Притоа вратот држете го исправено, немојте да го виткате. Потоа, брзо спуштете ги рамената надолу. Повторете ја оваа вежба неколкупати во брзо темпо.
2. Составување на лопатките
Седнете исправено, нозете нека ви бидат на подот, рацете по должината на телото. Држејќи го вратот исправен, свиткајте ги лопатките. Не ги дигајте рамената. Задржете се во оваa положба, а потоа извлечете ги рамената нанапред. Повторете ја оваa вежба неколкупати во умерено темпо.
3. Ротација на рамената
Седнете исправено, двете нозе се на подот. Колената раширете ги во ширина на рамената. Свиткајте ги рацете и ставете ги на рамената. Потоа започнете да вртите кружни движења нанапред. По неколку повторувања, сменете го правецот.
4. Виткање на грбот
Седнете на работ на столот. Двете нозе се на подот. Колената раширете ги во ширина на рамената. Свиткајте ги рацете и ставете ги зад главата. Лактите нека бидат широко раздвоени. Рацете мора да бидат паралелни со подот. Свртете го горниот дел од телото налево, па потоа надесно. Повторете неколкупати.
5. Лумбално свиткување наназад
Седнете исправено, нозете на под. Држете го грбот исправен, колената нека ви бидат во ширина како рамениците. Ставете ги рацете на колената. Извијте го грбот и погледнете во плафонот. Навалете се наназад што е можно повеќе. Вашата брада треба да гледа нагоре. Повторете ја вежбата неколкупати.
6. Свиткување нанапред
Седнете исправено, нозете се на подот. Спојте ги колената. Наведнете се кон споените колена. Обидете се да избегнете виткање на грбот. Може да си помогнете држејќи се со рацете за потколеницата. Задржете се во оваа положба, па потоа вратете се како на почетокот. Повторете ја вежбата неколкупати.
7. Виткање на страна
Седнете на работ на столот, нозете се на подот. Колената раширете ги во ширина на рамениците. Двете раце ставете ги зад главата. Свиткајте го телото налево и вратете се во почетната положба. Потоа свиткајте го телото надесно. Не виткајте го грбот и не туркајте го наназад. Повторете неколкупати.
8. Поза мачка-крава
Седнете исправено, нозете на под. Колената раширете ги во ширина на рамената. Рацете ставете ги на колената. Свиткајте го нанапред средниот дел од грбот. Пробајте да не си помагате со рамената и карлицата. Вратете се во исправена положба, потоа свиткајте ја кичмата и исправете го грбот наназад. Повторете неколкупати.
9. Виткање на страна
Седнете на работ на столот. Држете го грбот исправно. Ставете ги рацете на колената. Мрдајте го средниот дел на грбот налево, па потоа надесно. Не помагајте си со рамениците и карлицата. Повторете ја вежбата неколкупати.
