Претходно
Појадок кој се топи во уста: Како да направите совршен омлет?
Одвојувањето на жолчките од белките е чест процес при подготовка на пандишпан за торти, но дали сте се обиделе да направите омлет на тој начин?
Ако ги изматите одделно жолчките и белките пред да ги споите во една смеса и да ги испржите во тава, ќе добиете совршен омлет кој исто така се нарекува и суфле омлет.
Можете да направите ваков омлет во солена верзија и да го зачините со сол, црн пипер и други зачини или во слатка, а тогаш да му додадете мед, овошје или само шеќер.
Потребни состојки:
- 5 белки
- 3 жолчки
- 2 лажици путер
- зачини по избор и вкус
Начин на подготовка:
- Одвојте ги белките и изматете ги додека не добиете цврст шлаг. Во друга чинија изматете само три жолчки и изматете ги.
- Потоа, многу внимателно измешајте ги жолчките во белките.
- Истурете ја смесата во загреана тава покријте ја. Печете на умерена температура за 3 минути.
- Потоа, подигнете ги рабовите на омлетот со шпатула и додадете го путерот. Ставете го капакот пак и печете уште 3 минути.
- На крајот можете да го зачините омлетот по избор, преклопете го и префрлете го во чинија.
Погледнете го и овој рецепт за вкусен леб со тиква и глазура од кафе.
