Поедноставете си го вашиот живот

„Всадете“ си во глава дека животот е убав и најверојатно таков и ќе ви биде. Се прашувате зошто? Затоа што со таа мисла на ум ќе имате доволно мотив и волја да станете подобра личност, што дополнително ќе ви даде мотив да се борите за успех, а тоа од своја страна е еднакво на хармоничен живот. Ослободете го вашиот ум и почнете да размислувате едноставно. Советите кои следуваат можеби ќе ви помогнат во тоа.

• Не обидувајте се да ги прочитате мислите на другите луѓе. Не очекувајте ниту тие да ги прочитаат вашите. Комуницирајте!

• Бидете љубезни, но не обидувајте се да се спријателувате со сите луѓе околу вас.

• Наместо тоа, одвојте доволно време за да ги негувате врските со оние пријатели кои ви значат најмногу во животот.

• Вашето здравје е вашиот живот. Одете барем еднаш годишно на лекарски преглед, да проверите дали сè е во ред со вашето здравје.

• Одвојте доволно часови за спиење секоја вечер. Изморениот ум не може да биде продуктивен.

• Станувајте секое сабајле 30 минути порано одошто сте планирале, за да не мора налудничаво да трчате низ дома брзајќи да стигнете до саканото место. На тој начин ќе избегнете казни за брзо возење, доцнење и други непотребни главоболки.

• Не губете си го времето со чувства на љубомора. Единствената личност со која треба да се натпреварувате сте вие.

• Опкружете се себеси со луѓе кои ќе можат да ги „пополнат вашите дупки“. Дозволете им да си ја вршат онаа работа во која се најдобри, за да можете и вие да го правите она во кое сте најдобри.

• Немојте да бидете премногу горди и самоуверени. Разговарајте за проблемот, ракувајте се или прегрнете се и продолжете понатаму.

• Организирајте го вашиот дом, како и просторот во кој работите. Прочитајте ја книгата на Дејвид Ален „Завршете ги работите“ (Getting Things Done) од која можете да усвоите доста практични совети за добра организација.

• Ослободете се од работи кои не ги користите и кои нема никогаш да ви затребаат.

• Побарајте второ мислење, ако не сте сигурни околу нешто.

• Потрошете малку време за да научите некој скратен пат за завршување на задачите, кој ќе можете постојано да го користите во иднина.

• Не обидувајте се да ги задоволите желбите на сите. Правете го само она што сметате дека е исправно.

• Немојте да пиете алкохол или да користите наркотици кога сте лути, разочарани или тажни. Наместо тоа – џогирајте. Ќе се чувствувате многу подобро.

• Не одложувајте ги оние задачи за кои ви се потребни две минути да ги завршите. Сторете го тоа веднаш.

• Секогаш бидете искрени пред себе и пред другите.

• Не земајте и не посакувајте нешто што не ви припаѓа вам.

• Правете една работа во еден временски период и притоа дадете сè од себе.

• Кажувајте им „те сакам“  на оние луѓе што ги сакате што е можно почесто и покажувајте го тоа на разни начини.

• Бидете свои, не копирајте го однесувањето на некој друг.

• Држете се настрана од драмата на другите луѓе. Ни самите немојте непотребно да создавате своја.

• Ако нешто мразите да правите, тогаш престанете.

• Третирајте ги сите со исто ниво на почит каква што би покажале кон вашиот дедо и бидете исто толку внимателни, колку што би биле со вашето тримесечно братче или сестриче.

• Извинете се секогаш кога знаете дека сте погрешиле.

• Бидете љубопитни. Не плашете се да научите нешто ново. Почесто анализирајте ги вашите идеи и можности.

• Не бидете срамежливи. Поврзувајте се со луѓето. Запознавајте нови.

• Немојте премногу да се грижите за тоа што другите мислат за вас.

• Немојте да јадете кога ви е досадно. Јадете само кога сте гладни.

• Оставете ги оние нешта кои не можете да ги промените. Фокусирајте се на оние кои можете да ги промените.

• Следете го вашето срце. Не трошете си го вашето време, исполнувајќи ги соништата и желбите на некој друг.

• Бидете трпеливи и радувајте се на малите победи.

• Прифатете го фактот дека колку и да е лоша или добра некоја ситуација во моментов, таа состојба ќе се промени во иднина.

• Созревајте со текот на годините, но немојте пребрзо да пораснете.

• Сфатете дека не сте секогаш толку многу во право колку што мислите дека сте.

• Пронајдете некоја тешка работа, во која ќе уживате додека ја извршувате. Колку повеќе се трудите, толку посреќни ќе бидете.

• Правете го она во што сте добри. Во спротивно само ќе се фрустрирате.

• Правете грешки, научете нешто од нив, насмевнете се за тоа искуство и продолжете понатаму со вашиот живот.

Звучи мошне едноставно нели? 🙂

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм