Претходно
Печени компири полнети со јајце на око и пармезан
Одлични за појадок, но сосема соодветни и за брз викенд ручек
Потребни состојки:
- 2 поголеми компири
- Малку путер
- 4 јајца
- 400 г пармезан (или друг вид сирење/кашкавал по избор)
- 200 г пушено месо (опционално)
- Кромид или власец (опционално, може и друг зеленчук)
- Сол и бибер
Начин на подготовка:
Најпрво испечете ги компирите во рерна. Пресечете ги на половина и оставете ги малку да се оладат. Издлабете ја внатрешноста на секоја половина за да креирате длабок сад со тенки ѕидови од компир. Ставете малку рендан пармезан и стопен путер во секоја половина. Додадете од пушеното месо и потоа ставете по едно јајце во секој сад. Посолете, ставете бибер, додадете уште малку од пармезанот и насецкајте малку младо кромитче или власец врз секое парче. Печете во тавче обложено со хартија во загреана рерна додека не бидат готови јајцата, а сирењето сосема растопено (околу 20 минути).
