Претходно
Освежувачки коктел со диња и босилек
Летните коктели со диња се навистина освежувачки, а најпопуларни се оние во кои се комбинира диња, минерална вода и алкохол. Денес решивме да ви споделиме нешто поразлично, односно коктел со диња и босилек. Знаеме дека сите го користите зелениот босилек, но за овој рецепт ќе ви биде потребен виолетовиот.
Потребни состојки:
- 150 г сечкана диња на коцки
- 95 г коцки мраз
- половина лајм
- лисја од босилек
- 1 лажица сируп од агаве или мед
- 170 милилитри комбуха
Начин на подготовка:
- Ставете ги лисјата босилек, сечканиот лајм и сирупот од агаве или медот во чаша и промешајте.
- Потоа во друга чаша или сад измешајте ја дињата со коцките мраз и додајте ја во чашата со босилекот. Промешајте уште еднаш.
- На крај, додајте ја комбухата и промешајте.
- Украсете со повеќе босилек или по избор.
Можеби ќе сакате да го пробате и овој летен коктел од капини и хибискус.
