Претходно
Одлични совети кои треба да почнете да ги применувате уште денес
Датум: 12 апр 2015
Коментари: 0
Секој од нас бил во ситуација кога добил одличен совет, но едноставно не го послушал и ги направил работите поинаку. И тоа е во ред, бидејќи никој од нас не може да не направи ниту една грешка во својот живот. Но, сепак постојат неколку совети кои навистина не би требало да ги игнорирате. Дел од тие совети се и следниве 10…
1. Не заборавајте да се намачкате со крема за сончање пред да излезете од дома – Верувајте ни за овој совет. Доколку секојдневно носите крема за сончање, вие ќе бидете поздрави, ќе го намалите ризикот од развивање рак и нема да треба воопшто ни да размислувате за сите оние продукти против стареење на кожата.
2. Внимавајте на држењето на вашето тело – Вие имате само еден скелет, па доколку го оштетите никој нема да ви го замени со нов. Токму затоа обидувајте се што е можно почесто да стоите или седите исправено. Личноста која ќе бидете во иднината ќе ви биде бескрајно благодарна.
3. Пијте многу вода – Постои причина зошто водата се вика течно злато за вашето здравје. Обидете се да стекнете навика да пиете 2 литри вода на ден. Доколку не можете одеднаш, правете го тоа постепено. Почнете со 1 литар и полека зголемувајте. Не само што на овој начин ќе го подобрите вашето здравје, туку и ќе ја подмладите вашата кожа.
4. Наспијте се убаво – Додека спиете вие му дозволувате на вашето тело да се поправи од сите оние работи кои сте го натерале да ги претрпи во текот на денот, без разлика дали станува збор за забава или работа. Планирајте го вашиот ден така што секогаш ќе имате околу 8 часа слободно време за сон.
5. Вежбајте секојдневно – Дури и да станува збор за само 15 минути, не бидете мрзливи. Станете од вашиот удобен кауч врз кој во последно време живеете и размрдајте го малку вашето тело.
6. Не правете претпоставки – Овој совет опфаќа сè, почнувајќи од вашето здравје па сè до вашите врски. Не претпоставувајте дека симптомот што го искусувате е само нешто моментално и несериозно или пак, дека колегите не ве сакаат само затоа што вие сте се почувствувале во еден момент изоставени. Соочете се со дилемата и откријте за сигурно.
7. Правете сè умерено – Од торта, алкохол, па сè до видео игри. Не треба да се откажувате целосно од оние нешта кои ви овозможуваат некакво задоволство, туку едноставно поставете си граници и обидувајте се да ги почитувате.
8. Однесувајте се кон другите онака како што сакате тие да се однесуваат кон вас – Доколку вие се однесувате лошо кон одредена личност, тогаш зошто мислите дека таа би се однесувала добро кон вас? Секој човек е различен и не велиме дека треба да ги сакате сите кои ги сретнувате во вашиот живот, но доколку се однесувате кон нив со почит, истото ќе го добиете и за возврат.
9. Живејте и дозволете им на другите живеат – Дали навистина сакате да го одржувате контактот со одредена личност која во последно време чувствувате како да не ви одговара (на која сигурно помисливте во овој момент)? Не. Во ред. Дали и тие не сакаат да бидат покрај вас? Нема проблем. Оставете го/ја да си оди и веднаш ќе се почувствувате полесно.
10. Учете од вашите грешки – Грешките нема да бидат грешки доколку научите нешто од нив. Тие ќе бидат еден вид лекции кои ќе ви помогнат во иднина да бидете подобри и поуспешни на сите полиња од вашиот живот.
