Претходно
Одличен трик за подолга трајност на вашите хулахопки
Хулахопките имаат важна функција да нè греат во ладните денови. Но, тие одамна се многу повеќе од грејачи за нашите нозе, тие се стилски додаток кој се јавува во секакви варијанти и може да се комбинира на различни штосни начини. Единствениот проблем е нивната трајност.
Со оглед на тоа што секоја девојка и жена сака што повеќе пара различни хулахопки во својот плакар за да може да си игра со забавни модни комбинации, а тие не се баш евтини, овој трик дефинитивно треба да се проба. Нема да ве чини ништо.
Постапка:
- Новите хулахопки натопете ги во вода и потоа добро исцедете ги.
- Ставете ги во пластична ќесичка и оставете ги во замрзнувачот преку ноќ.
- Кога ќе ги извадите наредниот ден, оставете ги на собна температура.
На сите хулахопки потребно е трикот да го примените само еднаш.
