Претходно
Од стари до убави модерни чизмички за помалку од 50 денари
Датум: 19 сеп 2013
Коментари: 0
Наместо да трошите пари на нов пар чизми за следнава сезона, можеби е подобро да си ги разубавите старите. Со мала инвестиција можете вашите стари чевли да ги оживеете во полн сјај.
Потребни материјали:
- пар пониски чизми
- подолга лента материјал со дезен по ваш избор
- подолга лента еластична тантела
- безбојно силно лепило
За дополнително украсување (незадолжително)
- 2 мали колани
- кожни врвки
- пердуви
- синџирче, метални крукчиња и интересен приврзок
Од двата материјали исечете ленти кои можат да ги опколат чизмите. Лентите од материјалот со дезен треба да ви бидат потесни од оние од тантела.
Поставете ја чипката околу чизмата, зацврстете ја со помош на игли и исечете ги непотребните делови и на крај зашијте ја. Истото повторете го одозгора со материјалот со дезен.
За дополнителна цврстина можете да додадете и малку лепило од внатрешната страна на материјалите. Внимателно нанесете многу мала количина, за да не се познава преку материјалите.
Напомена: Чизмата претходно наполнете ја со стари крпи или весници, за да не претерате при поставувањето на лентите и потоа да ве стегаат.
Веќе имате добиено интересен нов дизајн на вашите стари чизми. Понатамошното украсување е по избор и не е задолжително. Ова се два примери како можете дополнително да ги украсите вашите чизмички.
1. Замотајте ги чизмичките со малите кожни колани и додадете малку лепило од внатрешната страна за тие да се фиксираат. Оставете ги ден-два убаво да се исушат.
2. Со помош на синџирчето, приврзокот и пердувите украсете ги чизмите дополнително.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
