Претходно
Нешта што треба да ги знаете доколку се гледате со бившиот на вашата пријателка
Иако на планетата има осум милијарди луѓе, понекогаш е тешко да ги контролирате вашите чувства и можете да се вљубите во најнеочекуваната личност – бившиот на вашата пријателка. Без разлика колку време се разделени, оваа врска има потенцијал да ве стави во незгодна ситуација. Можеби вашето пријателство ви значи премногу, но кога не можете да се ослободите од чувствата за нејзиниот бивш, можеби е време за разговор.
Иако веројатно сте го слушнале правилото дека бившите на пријателките не се достапни за вас, ова не важи за сите. Најдобриот начин да дознаете како се чувствува вашата пријателка е отворено да разговарате со неа. Исто така добро е да бидете свесни за следните 4 нешта, со цел да ја направите ситуацијата што е можно поудобна.
1. Постои можност да ја изгубите пријателката
Во совршениот свет, би можеле да се гледате со бившиот на пријателката, но и да продолжите да се дружите со неа. Но во реалноста, на вашата пријателка може да ѝ биде претешко да биде во вашиот живот, кога дел од него е и нејзиниот поранешен партнер. Најпрвото нешто што треба да го земете предвид е дали би вредело да ја изгубите пријателката за оваа личност.
2. Причината зошто пријателката раскинала со бившиот е важна
Доколку вашата пријателка и нејзиниот поранешен партнер раскинале на мирен начин, тоа не значи дека таа ќе биде во ред со вашата нова врска. Доколку пак врската завршила лошо, особено ако имало прељуба, бидете внимателни. Вашата пријателка веќе страдала од таа личност, па треба добро да размислите дали повторно сакате да минува низ тоа.
3. Дефинитивно, треба најпрво да разговарате со пријателката
Комуникацијата е важна во секоја врска, и платонска и романтична. Доколку навистина ви се допаѓа бившиот на пријателката, разговарајте со неа за ова. Може да ви изгледа како навистина тежок разговор, но ќе направи чуда за вашето пријателство. Едноставно прашајте ја како би се чувствувала доколку сте со нејзиниот поранешен партнер. Доколку станува збор за партнерот од неодамна, веројатно нема да се согласи. Но доколку станува збор за партнер од пред неколку години, можеби ќе биде отворена за вашата врска.
Во кој било случај, важно е да ѝ дадете до знаење дека вашето пријателство ви е поважно од врската со бившиот. Ова ќе ѝ покаже дека се грижите доволно за неа и нема да направите нешто зад нејзиниот грб. Токму ова можеби ќе ја натера да се согласи и да не прави проблем за вашата врска.
Доколку пријателката не се согласува со ова, следниот чекор е ваша одлука. Најчесто, ниту една врска не вреди да изгубите добра пријателка. Но истовремено не е добро да правите нешто без нејзино знаење.
4. Можно е да се соочите со истите проблеми во врската како и таа
Секој пар си има свои проблеми, но експертите сметаат дека не треба да се изненадите доколку проблемите од врската со пријателката се појават и кај вас. Иако можеби оваа личност не била совршена за вашата пријателка, луѓето обично ги повторуваат нивните однесувања. Доколку бившиот не се однесувал добро со неа, доколку немале добра комуникација и слично, очекувајте го истото и во вашата врска.
Идејата да промените некој е добра, но не е најреалистична. Промената е возможна, но им се случува на малкумина. Потребно е многу за личноста навистина да се промени. Па пред да започнете нешто со бившиот на пријателката, размислете дали тој може да се промени.
Погледнете и кога е во ред, а кога не да излегувате со бившиот на вашата пријателка.
