Претходно
Неколку вежби за смирување и контролирање на емоциите
Секој од време на време доживува интензивни искуства и емоционални реакции, но ако силните емоции влијаат на вашите односи и квалитетот на животот, најверојатно имате проблем со контролирањето на емоциите.
Сепак, ако научите да ги регулирате вашите емоции, можете да се чувствувате посмирени околу другите и подготвени да ги остварите вашите замислени цели. Според психолозите, когнитивната бихејвиорална терапија (КБТ), терапијата фокусирана на емоции (ЕФТ) и вежбањето можат да помогнат при симптоми на лошо справување со емоциите. Но, понекогаш може да ве погоди силна емоција пред да имате време за реагирање. Во овој случај би било пожелно да ги направите следните вежби кои ќе ви помогнат за кратко време да се смирите.
1. Замислете се себеси во иднина
Оваа вежба има за цел да ве поттикне да ги видите работите во ново светло. На пример, во случај на интензивни чувства, тешко е да се запамети дека тешкиот момент не е вечен, туку само момент во вашиот живот. Оваа вежба може да ви помогне да го запомните тоа. Затоа, во тој момент замислете се себеси во иднина за 5,10 или 20 години и запрашајте се кој би бил вашиот коментар за моменталната ситуација и емоционалната реакција.
2. Замислете ја реакцијата на некој кој ви значи
Замислете ја перспективата на некој во вашиот живот кој навистина се грижи за вас, како што е член на семејството, близок пријател или партнер. Запрашајте се дали тие можеби ќе ви постават повеќе прашања и ќе ве поттикнат да не го претпоставувате најлошото во одредена ситуација.
3. Дајте си малку време да почувствувате сè
Понекогаш едноставно нема начин да се заобиколи: се чувствувате тажно и депресивно и треба да се ослободите од тие чувства. За да не доминираат негативните чувства цел ден, терапевтите препорачуваат да земете дневник и да го поставите тајмерот на 15 минути – запишете што и да чувствувате, а потоа обидете се да размислувате и да ја чувствувате одредената негативна емоција само 15 минути.
4. Бидете свесни за она што се случува во вас и околу вас
Самонабљудувањето е еден од клучните елементи за успешното справување со емоциите. На тој начин полесно ќе ги прифатите вашите чувства кога ќе се појават, со што ќе се намали непријатноста и интензитетот на вашата емоционална болка.
Откако ги прочитавте овие вежби за смирување, можеби ќе сакате да ги прочитате и овие 7 причини зошто постојано сте нервозни.
Извор: sensa.mondo.rs
