Претходно
Неколку совети за оригинални и впечатливи вечерни модни комбинации
Повторно немате што да облечете, а пријателите веќе ве очекуваат? Да, ова е одличен опис на секој викенд или секоја ноќ во текот на неделата кога се подготвувате за излегување и кога ве фаќа од онаа блага, па до најлоша паника, бидејќи гардероберот одново и одново во вашите очи изгледа празно и нема ништо во него што би можело да се искористи. Немојте веднаш да се загрижувате и да се нервирате, бидејќи ние ви даваме неколку идеи за вечерни модни комбинации во кои ќе изгледате одлично и оригинално.
1. Сведено и едноставно. Кога повеќе не знаете од каде да извлечете инспирација и како да го засените подиумот на клубот во кој одите, едноставноста е таа која ќе ви помогне во целост. Маица со рамки или некоја лесна блуза без ракави, тесно молив здолниште, високи потпетици и мала чанта, е сето она што ќе ви биде потребно за една убава вечер со пријателите. Со оваа комбинација не ви се потребни други аксесоари. Пуштете ја косата и нанесете малку шминка за да добиете свеж изглед и тоа е сѐ. Едноставно, зарем не?
2. Она што и вам некогаш ви се допаднало, а знаеме дека многу девојки „полуделе“ по нив, се занимливите балерински здолништа, здолништата направени од реси, односно сите модели на мини здолништа кои изгледаат слатко. Меѓутоа, симпатичниот изглед на овој модел, со вистинските парчиња облека, кои му дозволуваат да ја води оваа комбинација, ќе допринесат да не изгледате само слатко, туку доста предизвикувачки и секси.
3. Излегувањата не се резервирани само за комбинациите кои „издишуваат“ со гламур и екстраваганција, туку и самите знаете дека секогаш и секаде можете да избирате кежуал модни комбинации, што ќе ги носите дури и во текот на денот кога треба да завршите некои обврски или да се најдете со пријателките. Со некоја едноставна туника или фустан, комбинирајте кожни хеланки, и веќе со ова имате доста занимлив изглед. Високите потпетици, кожната јакна или лежерниот капут ќе ја надополнат оваа модна комбинација.
Продолжете на следната страница за повеќе модни комбинации…
