Претходно
Неколку начини да го направите домот попривлечен за вашите гости
Домот кој изгледа совршено среден ќе им остави длабок впечаток на гостите кои ќе го паметат уште долго време откако ќе си отидат. Уредниот дом ќе го направи нивниот престој пријатен и незаборавен, а истовремено тие ќе се чувствуваат удобно. Погледнете ги овие неколку совети кои следуваат во продолжение што ќе ви помогнат да го направите вашиот дом да биде попривлечно и посреќно место.
1. Користете бои кои ќе бидат привлечни за очите
Размислете што е она што гостите ќе го забележат најпрво откако ќе влезат во вашиот дом, а потоа обрнете поголемо внимание за дизајнирање на тој простор. Ова може да биде некоја прекрасна слика закачена на ѕидот пред влезната врата или нешто друго интересно што ќе им го привлече вниманието. Тоа ќе им создаде чувство на гостите дека би сакале да останат уште некое време и да го запознаат вашиот простор.
2. Надворешната врата треба да изгледа дека ги поканува гостите да влезат внатре
Надворешната врата е значаен дел и истата не треба да ја потценувате. Доколку имате стара черга пред вратата, одлучете се да ја замените, а исто така можете да закачите и некој интересен знак на вратата. Во внатрешниот дел пак можете да ставите големо зелено растение.
3. Мебелот треба да овозможува непречено движење
Кога сте сами дома, можеби нема да ви биде тешко да поместите некој стол со цел да поминете, но, вашите гости со сигурност ќе се чувствуваат непријатно во област каде што не можат непречено да се движат. Ова е чест случај кај оние кои имаат помали домови. Затоа, обидете се просторот од влезната врата, па до просторот каде што ќе се движат вашите гости, да не биде исполнет со какви било пречки. Размислете како можете да го прилагодите мебелот во дадениот простор.
4. Внесете лични особини во просториите
Обидете се да внесете некои лични особини во мебелот, кој ќе го направи попријатен вашиот дом. Тоа ќе биде одраз на вас и вашиот карактер и без сомнение ќе биде тема на разговор со вашите гости, кои ќе посакуваат да останат кај вас уште некое време.
5. Користете уникатни детали за дизајнирање
Вметнете некои мали детали кои ќе бидат одраз на вашата личност. Погледнете некои креативни проекти кои можете да ги направите сами, кои ќе бидат лесни за одржување, а сепак ќе дадат впечаток на удобен и пријатен дом.
6. Имајте пријатен мирис
Секогаш внимавајте да немате непријатен мирис во вашиот дом. Отстранете ги сите виновници кои може да го предизвикаат тоа, како што се нечистите алишта, гнилото овошје, валканите садови, ѓубрето и слично. Откако ќе ги отстраните, заменете ги со нешто попријатно, како што е цвеќе или миризлива свеќа.
7. Одржувајте ја уредна вашата бања
Бањата исто така треба да биде чиста и да мириса добро. Треба да има доволно тоалетна хартија и пешкири за гостите да ги исушат нивните раце, доволно сапун и канта за отпадоци.
Домот кој е привлечен за гостите ќе ве направи помалку вознемирени и ќе ви овозможи целосно да се релаксирате и да уживате во друштвото. Не мора да имате луксуз за да уживате во животот, малите детали ќе ви помогнат во тоа!
