Претходно
Неколку чекори до прекрасни локни без притоа да ја горите вашата коса
Ако постои еден трик за убавина од кој сите ние можеме да имаме корист, тоа е намалување на штетата која ја нанесуваме врз нашата коса. Со оглед на тоа колку ја чешламе, фарбаме, пегламе или виткаме, не е воопшто тешко да се забележи нашето негативно влијание врз неа. Но, што ако ви кажеме дека постои начин на кој можете да имате прекрасни локни без притоа да ја горите и уништувате вашата коса?
Јутјуберката Вивијан Во-Фармер го користела овој метод со години и според тоа што можеме да го видиме од нејзиното видео е дека станува збор за ефективна алтернатива. Наместо да ја горите вашата коса пред секое излегување од дома, вие сè што треба да направите е да се бањате претходната вечер и да ја оставите да се исуши. Потоа извртете ја во две одделени плетенки кои ќе ги споите во пунџа и наредното утро ќе имате неверојатни локни. За повеќе детали околу процесот погледнете го следново видео.
