Претходно
Не сакате да јадете наутро? Подгответе смуди за појадок
Датум: 27 мај 2014
Коментари: 0
Појадокот е најважниот оброк во денот бидејќи ни обезбедува енергија која му е потребна на телото за секојдневните задачи. Ако сте од оние кои не сакаат да појадуваат, ова зелено смуди е идеално за вас.
Иако е во течна состојба, овој појадок ќе ви ја даде потребната енергија. Преку намирниците кои треба да ги употребите, ќе ја примите потребната количина на витамини, минерали и антиоксиданси.
Потребни состојки:
- 1 грст спанаќ
- ½ краставица
- 165 грама манго
- 1 шолја сварен зелен чај
- ½ лимон или лимета
Начин на подготовка:
Сите наведени состојки ставете ги во блендер и додајте го лимоновиот сок. Од оваа количина ќе добиете околу 1 литар напиток, а она што ќе ви остане ставете го во фрижидер и конзумирајте го во текот на денот.
Спанаќот го јакне имунолошкиот систем и е полн со витамини А и К, а краставицата го контролира нивото на шеќер во крвта. Зелениот чај штити од многу болести, а лимонот го додаваме за да ја олесни можната утринска мачнина, плус дава витамин Ц и го штити срцето во текот на денот.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
