Претходно
Направете си сами сјај за испукани усни и блеснете за време на божиќните празници
Замислете си колку пари би заштедиле доколку самите ја правевте вашата шминка! Оваа идеја звучи прекрасно, но иако веројатно не би можеле целосно да ја остварите, можете барем самите да направите сјај за усни со чија помош ќе изгледате неодоливо за време на празниците и кој било друг период од годината. Освен тоа, овој сјај е совршеното решение доколку имате проблем со испукани усни.
Потребни состојки:
- Кокосово масло
- Керамички сад
- Мрсни боици што не се отровни
- Лажица
- Празни садови
Начин на подготовка:
1. Ставете една лажица кокосово масло во керамички сад и оставете го во микробранова печка околу една минута или додека не се стопи целосно. Ако сакате бојата да биде побледа, додадете уште малку масло. Ако сакате сјајот да има појака боја, не ставајте многу масло.
2. Скршете ја мрсната боица на мали парчиња за да може да се стопи побрзо.
3. Додајте ги парчињата боица во врелото масло и мешајте со пластична лажица додека не се стопат целосно. Ако во смесата сѐ уште има парчиња од боицата, вратете го садот во микробранова уште 30 секунди.
4. Ставете ја смесата во чист сад и почекајте 5 минути да се олади.
5. Кога сјајот ќе стане цврст, слободно можете да го нанесете на усните.
Погледнете го и видеото од целиот процес и обидете се да го направите овој сјај за усни уште денес…
