Претходно
Направете сами: спреј за брановидна коса за на плажа
Кога одиме на плажа, негата и изгледот на косата се посебен проблем. Како ќе изгледаме кога ќе излеземе од вода, дали ќе личиме на нешто кога ќе ни се исуши косата и што да направиме со неа за да изгледаме пристојно во текот на целиот ден?
Бидејќи на плажа го немате луксузот „четка и фен“, најдобро е да одржувате природна брановидна текстура на вашата коса. Ви го препорачуваме најдобриот рецепт за тоа.
Потребни состојки:
- 1 лажичка морска сол
- 2 големи лажици кондиционер кој не се мие
- 1 прст помада базирана на вода
- 1 лажичка масло од арган или од кокос
- 250 мл топла вода
Подготовка:
Најдобро е прво да ги ставите топлата вода, помадата, солта и маслото во шишенце со спреј систем, да го растресете за да се соединат состојките и потоа да го додадете кондиционерот штом водата се излади.
Овој спреј е одличен бидејќи не создава сув и крут изглед. Напротив, сите состојки се меки, па косата ќе ви изгледа сосема опуштено и природно.
Откако ќе го нанесете, оставете ја косата природно да се исуши со повремено туткање. Можете да го користите на долга и на кратка коса. И без грижа, косата од него нема да ви стане „крцкава“.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
