Претходно
Наместо да ја барате, оставете ја љубовта да ве пронајде вас!
Честопати се чини дека луѓето ја бараат љубовта и стануваат очајни доколку не успеат да ја пронајдат. Сепак, дали знаевте дека е поверојатно да ја пронајдете кога најмалку очекувате? Еве зошто е тоа така.
Престанете да ги оценувате новите познанства како „потенцијални“ партнери
Никој не сака да чувствува дека го оценуваат како потенцијален животен партнер, особено на првиот состанок. Освен тоа, на тој начин на личноста ѝ оставате до знаење дека сте очајни за нечие внимание.
Очајот може да биде протолкуван како знак на слабост
Очајот и потребата од партнер можат да бидат протолкувани како знаци на слабост и ниска самодоверба, што може да ја згасне искрата уште пред таа да се распламти. Кога некое лице очајно сака да најде партнер најверојатно ќе падне во искушението да ја раскаже сопствената животна приказна кога прв пат ќе запознае некого. Не заборавајте дека и мистериозноста понекогаш може да биде една од главните причини за тоа дали една личност ви е привлечна или не.
Љубовта се појавува кога ќе престанете да ја барате
Дали сте забележале дека кога немате никаква намера да „барате“ нови познанства или нова врска, тогаш се појавуваат нови познанства кои понекогаш имаат тенденција да прераснат во нешто друго? Едноставниот факт дека сте се фокусирале на сопствениот животен раст не само што ве прави подобра личност, туку ве прави и подобар потенцијален животен партнер. Тоа е нешто што зрачи од вас и ве прави полни со самодоверба во очите на другите.
Трпението ќе ја донесе вистинската личност
Трпението е клучниот елемент кога станува збор за заљубувањето и наоѓањето вистинска личност. Брзањето и потрагата по потенцијалниот партнер можат само да го зголемат ризикот да наидете на погрешна личност која ќе ве повреди. Затоа, следниот пат кога ќе излезете со пријателите, опуштете се, вдишете длабоко, забавувајте се и бидете свои.
Откако прочитавте за љубовта и наоѓањето потенцијален партнер, можеби ќе сакате да прочитате и кои 6 негативни мисли ве спречуваат да ја раскинете љубовната врска иако партнерот не ве заслужува.
Извор: lifehack.org
