Претходно
Накитот на Анџелина Џоли
Анџелина Џоли е надалеку позната по своите хуманитарни акции, па така неодамна таа откри уште еден начин како да собере пари за својата хуманитарна фондација „Education Partnership for Children of Conflict“. Таа заедно со Роберт Прокоп дизајнираше луксузен накит. Роберт Прокоп е дизајнерот кој Бред Пит го најмил за создавање на вереничкиот прстен за Анџелина Џоли.
Елегантниот накит ќе биде изложен во Франција во „Grand Hotel“ и во Монако во „Hotel de Paris“. Изложбите ќе започнат на 15 јули и ќе траат до 15 август, давајќи им шанса на луѓето цел месец да уживаат во овие прекрасни креации, а оние кои ќе понудат најдобра цена ќе можат и да купат некое парче.
На двете изложби ќе присуствуваат и Анџелина Џоли и Бред Пит, со што ќе се зголеми и публицитетот на овие два настани. Собраните пари од продажбата на скапоцениот накит ќе одат за фондацијата и ќе бидат искористени за изградба на училиште во Авганистан.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
