Претходно
Најздравиот појадок на целиот свет: Потребни ви се само 5 минути за подготовка
Брзо, едноставно, неверојатно здраво и премногу вкусно
Потребни состојки:
- 1 пакување јогурт
- 1 лажица јаболков пектин (рецептот е подолу)
- 1 лажица мед
- 50 грама ореви, исечкани
- Половина лажица цимет
- 30 капки прополис
- 3 лажици овесна каша
- Суво овошје, по избор
Начин на подготовка:
Претходната ноќ измешајте ги јогуртот и јаболковиот пектин и оставете ги во фрижидер да отстојат. Ова можете да го направите и утрото, но во тој случај ќе мора малку да го почекате пектинот да се раствори. Додајте ги сите останати состојки во смесата со јогуртот и добро измешајте. Оставете неколку минути да се поврзат сите состојки, а јогуртот да дојде на собна температура со цел да може да ја растопи овесната каша. Добар апетит!
Потребни состојки и подготовка на пектинот:
За него ќе би бидат потребни 1 килограм органски јаболка и 250 милилитри вода. Измијте ги јаболката, отстранете ги дршките и семките и исечкајте ги на мали парчиња. Во поголемо тенџере, сипете ја водата и потоа додајте ги исечканите јаболка. Варете на силен оган – пектинот мора во кратко време да постигне висока температура, бидејќи во спротивно ќе се распадне. Оставете да се вари 30-тина минути и потоа мешајте сè додека смесата не се згусне. За крај, префрлете ја во чиста тегла така што ќе ја поминете низ цедалка.
